شهدادڪوٽ:شهدادڪوٽ ڀرسان سجاول جوڻيجو ٿاڻي جي حد ۾ ڀاءُ پنهنجي نوجوان ڀيڻ کي ڪارنهن الزام هيٺ قتل ڪري ڇڏيو آهي.
سجاول جوڻيجو ٿاڻي جي حد ڳوٺ الله داد ٽانوري ۾ جوابدار علي شير ٽانوري پنهنجي نوجوان ڀيڻ الله ورائي کي ڪارنهن الزام هيٺ قتل ڪري ڇڏيو. اهڙو اطلاع پوليس کي ڏنو ويو.
پوليس واقعي واري هنڌ پهچي لاش تحويل ۾ وٺي مُک جوابدار علي شير ٽانوري کي گرفتار ڪري ورتو جڏهن ته مقتولا نوجوان ناري جو لاش پوسٽ مارٽم لاءِ ميرو خان اسپتال منتقل ڪيو ويو.
ميرو خان اسپتال ۾ ليڊي ڊاڪٽرياڻي نه هئڻ سبب عورت جو لاش قمبر اسپتال کڻائي ضروري ڪارروائي بعد وارثن حوالي ڪيو ويو. آخري اطلاعن تائين واقعي جو ڪيس داخل نه ٿي سگهيو هو.
