ڪراچي: سنڌ جي گورنر ڪامران ٽيسوري اڄ ٿيندڙ پاڪ ڀارت ميچ ۾ پاڪستان جي فتح جي صورت ۾ قومي ٽيم کي بطور انعام هڪ ڪروڙ جي رقم ڏيڻ جو اعلان ڪيو آحي.
پنهنجي هڪ وڊيو بيان ۾ سنڌ جي گورنر چيو ته لنڊن ۾ آهيان پر دل ۽ دماغ دبئي ۾ ٿيندڙ پاڪ ڀارت مقابلي تي لڳل آهي. گورنر ڪامران ٽيسوري پاڪستان جي کٽڻ تي ٽيم جي لاءِ هڪ ڪروڙ روپيه انعام جو به اعلان ڪيو آهي.
ٻئي طرف نچي چينل سان ڳالهيون ڪندي خيبرپختونخواهه جي وڏي وزير علي امين گنڊاپور چيو ته پوري قوم هڪ ئي راند ڏسي رهي آهي، پاڪستان کي لازمي طور تي ڀارت کان ميچ کٽڻ گهرجي.
خيبرپختونخواهه جي گورنر فيصل ڪريم ڪنڊي چيو ته قوم جون دعائون پاڪستاني ٽيم سان گڏ آهن، اميد آهي ته ٽيم سٺي راند جو مظاهرو ڪندي.
پنجاب جي گورنر سردار سليم حيدر چيو ته اڳ به ڪيترائي ڀيرا ڪرڪيٽ جي ميدان ۾ ڀارت کي پاڪستان شڪست ڏئي چڪو آهي. انشاءَالله هن ڀيري به ڀارت کي شڪست ملندي، قوم جون دعائون ٽيم ۽ رضوان سان گڏ آهن.
