ڪراچي: سنڌ جي وڏي وزير سيد مراد علي شاهه چيو آهي ته پاڻِ جي کوٽ ۽ ڀاڻ مهينو ٿيڻ سان زراعت منافعو ڏيندڙ پيشو نه رهيو آهي.
سنڌ جي وڏي وزير سيد مراد علي شاهه نئين برطانوي ڊپٽي هاءِ ڪمشنر ملاقات ڪئي، سنڌ جي وڏي وزير برطانوي ڊپٽي هاءِ ڪمشنر کي تعاون جو يقين ڏياريو. نئين برطانوي ڊپٽي هاءِ ڪمشنر سنڌ جي وڏي طرفان ڪيل تعاون جو ٿورو ادا ڪيو.
برطانوي ڊپٽي هاءِ ڪمشنر سان ملاقات ۾ سنڌ ۾ ٻوڏ سبب ٿيل تباهي ۽ بحالي وارن منصوبن تي به ڳالهين جي ڏي وٺ ڪئي. سنڌ جي وڏي وزير سيد مراد علي شاهه چيو ته ٻوڏ کان پوءِ پهريون چيلينج زراعت جي بحالي هو. ٻوڏ متاثرين جي لاءِ گهرن جو سلسلو جاري آهي.
زراعت تي ڳالهيون ڪندي هن چيو ته سنڌ حڪومت زرعي ٽيڪس ۾ 35 کان 45 سيڪڙو اضافو ڪيو آهي پر پاڻي جي کوٽ ۽ ڀاڻ جي مهانگي ٿيڻ سبب زراعت منافعو ڏيندڙ پيشو نه رهيو آهي. هن چيو ته سنڌ ۾ هر هڪ شهري کي برابري جا حق حاصل آهن ۽ سنڌ ۾ اقليتن کي به برابري جا حق حاصل آهن. سنڌ انتهاپسندي کان پاڪ صوبي آهي، سنڌ ۾ دهشتگردي ٻاهر کان ايندي آهي.
