اسلام آباد (رپورٽر) حريت اڳواڻ ياسين ملڪ جي گهرواري مشعال ملڪ هٿ ٻڌي عمران خان کي ڌرڻي جي تاريخ اڳتي ڪرڻ جي اپيل ڪري ڇڏي. اسلام آباد ۾ هنگامي پريس ڪانفرنس ڪندي مشعال ملڪ چيو ته مان، منهنجي ڌيءَ ۽ عوام 25 مئي تي ياسين ملڪ سان پيار ڪري رهيا آهيون، عمران خان، توهان ياسين ملڪ جا دوست آهيو،هن چيو ته مون کي خبر آهي اندروني سياست تمام ضروري آهي پر ڪشمير عبادت آهي، توهان 25 تاريخ تي ئي ڪشمير لاءِ ٻاهر وڃو، توهان ياسين ملڪ لاءِ ٻاهر وڃو، ان ڏينهن کيس قيد يا موت جي سزا ملندي،مشعال ملڪ چيو ته 8 سال گذري ويا آهن، مون پنهنجي مڙس کي نه ڏٺو آهي، اڄ ياسين ملڪ جي زال ۽ ڌيءَ سندس لاءِ تڙپي رهيون آهن، منهنجي مڙس کي شهيد ٿيڻ نه ڏيو، هي منهنجي ڌيءَ ناهي، ڪشمير جي ڌيءَ آهي، ڪشميرين جون قربانيون آهن. ڪشميرين جي روح کي لرزائي رهيا آهن.
82
