ذميوار شهري بڻجي پاڻيءَ جو استعمال گهٽ ڪريو، شيري رحمان جو عوام کي پيغام

اسلام آباد (م ڊ) وفاقي وزير ۽ پيپلز پارٽي جي نائب صدر شيري رحمان چيو آهي ته ذميوار شهري بڻجي پاڻيءَ جو استعمال گهٽ ڪرڻو پوندو، ٽوئٽر تي پيغام جاري ڪندي شيري رحمان چيو ته پاڪستان ۾ پاڻيءَ جي سخت کوٽ آهي، اسان کي ذميوار شهري بڻجي پاڻيءَ جو استعمال گهٽ ڪرڻو پوندو، هن چيو ته ڪوشش ڪنداسين ته پنهنجي آفيسن، فيڪٽرين، زمينن ۽ گهرن ۾ پاڻيءَ جو استعمال گهٽ ڪريون، هن چيو ته پاڻي اسان جو هڪ قومي ذخيرو آهي، ان کي بچائڻ اسان جو قومي فرض آهي.