لاهور (رپورٽر) مني لانڊرنگ ڪيس ۾ وزيراعظم شهباز شريف ۽ پنجاب جو وڏو وزير حمزه شهباز عدالت ۾ پيش ٿيا. لاهور جي خاص عدالت مني لانڊرنگ ڪيس ۾ وزيراعظم شهباز شريف ۽ پنجاب جي وڏي وزير حمزه شهباز کي طلب ڪري ورتو آهي.وزيراعظم جي عدالت ۾ آمد جي موقعي تي سڪيورٽي جا سخت انتظام ڪيا ويا آهن ۽ عام شهرين کي عدالت جي احاطي مان ٻاهر ڪڍيو ويو آهي.ڪيس جي ٻڌڻي دوران پنجاب جو وڏو وزير حمزه شهباز به عدالت ۾ پيش ٿيو. ڪيس جي ٻڌڻي جي شروعات ۾ شريڪ جوابدارن سليمان شهباز، طاهر نقوي، ملڪ مقصود ۽ غلام شبير جي گرفتاري بابت رپورٽ پيش ڪئي وئي. شهباز شريف جي وڪيل امجد پرويز دليل ڏيندي چيو ته هو اهڙو ڪو به ڪاغذ پيش نه ڪري رهيو آهي جيڪو حڪومت جي تبديلي کانپوءِ رڪارڊ تي آيو هجي، سمورو رڪارڊ گذريل حڪومت جو آهي، ان جي ڪا به ڳالهه ناهي، گذريل حڪومت جو توجهه ڪيسن کي پابند بڻائڻ تي هو. شهباز شريف خلاف ڪيس، قانون موجب جيڪڏهن ڪنهن تي 10 ڪيس آهن ته گرفتار نه ٿيندي.
75
