ڪراچي (م ڊ) اڳوڻي وفاقي وزير شيخ رشيد چيو آهي ته حڪومت طرفان عوام کي ڏنل ڪوڙي تسلي ملڪ جي معيشت کي بهتر نه ٿي بڻائي سگهي، پنهنجي ٽوئٽ بيان ۾ شيخ رشيد چيو ته عوام چورن جي فرسوده نظام خلاف جهاد ڪري رهيو آهي، هن چيو ته اڄ ڪري يا سڀاڻي هيءَ حڪومت ختم ٿي رهندي ۽ ان کي ختم ٿيڻ کان ڪو به نه ٿو بچائي سگهي، شيخ رشيد چيو ته جنهن ملڪ جو وزيراعظم مني لانڊرنگ ڪيس تي فخر ڪري ۽ ادارا ان اڳيان هٿ ٻڌي بيهن ته ان جو الله ئي واهي آهي، هن چيو ته پاڪستان جي معيشت تباهه حال آهي ۽ ملڪ ڊيفالٽ ٿيڻ جي ويجهو آهي.
83
