اسلام آباد (م ڊ) سڄي ملڪ ۾ پيٽروليم شين، بجلي ۽ گيس جي قيمتن ۾ واڌ عوام کي سخت دٻاءُ ۾ وجهي ڇڏيو آهي.ان صورتحال کي بهتر نموني منهن ڏيڻ ۽ عوام تي بار گهٽائڻ لاءِ وزيراعظم جي صدارت هيٺ اهم اجلاس اڄ ٿيندو.اجلاس ۾ سڄي ملڪ ۾ اقتصادي ايمرجنسي لاڳو ڪرڻ بابت اهم فيصلا ڪيا ويندا.اجلاس ۾ پيٽروليم منصوبن جي قيمتن ۾ واڌ ۽ بجلي ۽ گيس جي قيمتن ۾ ممڪنه واڌ کانپوءِ جي صورتحال تي غور ڪيو ويندو.ان حوالي سان وزيراعظم چيو ته ملڪي معيشت جي استحڪام لاءِ مشڪل فيصلا ڪرڻ گهرجن پر حڪومت عوام تي گهٽ ۾ گهٽ بار وجهڻ جي ڪوشش ڪري رهي آهي.ملڪ ۾ وڌندڙ مهانگائي کي نظر ۾ رکندي حڪومتي سطح تي خرچن ۾ گهٽتائي جي تجويز وزيراعظم ڏانهن موڪلي وئي آهي.وزيراعظم کي موڪليل تجويزن ۾ سرڪاري سطح تي مفت پيٽرول ۾ 30 کان 40 سيڪڙو گهٽتائي شامل آهي.ان کان علاوه حڪومتي سطح تي غير ضروري خرچن کي گهٽائڻ جي تجويز ڏني وئي آهي.
73
