منصوره (م ڊ) جماعت اسلامي جي امير سراج الحق چيو آهي ته ملڪ ۾ ڊمي حڪومت آهي.منصوره ۾ ٽن ڏينهن واري مرڪزي مجلس شوريٰ جي اختتامي جلسي کي خطاب ڪندي جماعت اسلامي جي امير سراج الحق چيو ته دنيا مريخ ڏانهن سفر شروع ڪري ڇڏيو آهي، مختلف ملڪ خلائي مشن موڪلي رهيا آهن جڏهن ته اسان جي حڪومت ڪشتي تي آهي، سراج الحق چيو ته ڪشتي مشن ختم ڪري خودمختياري کي هدف بڻائڻو پوندو، اقتصادي معاهدو تمام ضروري آهي، جماعت اسلامي گذريل هڪ مهيني کان گرينڊ ڊائلاگ جي ڳالهه ڪري رهي آهي.هن چيو ته جيڪڏهن سموريون سياسي پارٽيون گڏ نه ويٺيون ته ملڪ لاءِ نقصانڪار آهي، مهانگائي ۽ بيروزگاري 22 ڪروڙ عوام کي مايوسي جي دلدل ۾ دٻائي ڇڏيو آهي.سراج الحق چيو ته انهن نااهل حڪمرانن جي ڪري ٻار تعليم کان محروم آهن ۽ انهن حڪمرانن جي ڪري ئي عوام صاف پاڻي کان محروم آهي، انهن حڪمرانن قوم جو حال ۽ مستقبل تباهه ڪري ڇڏيو آهي.
66
