اسلام آباد (رپورٽر) وزيراعظم شهباز شريف جي صدارت هيٺ وفاقي ڪابينا جو اجلاس جاري آهي.ذريعن موجب وفاقي ڪابينا جي اجلاس ۾ 4 نقاطي ايجنڊا پيش ڪيو ويندو، اليڪشن ڪميشن جي سال 2021ع جي رپورٽ ڪابينا ۾ پيش ڪئي ويندي.ڪابينا جي منظوري کانپوءِ اليڪشن ڪميشن جي رپورٽ پارليامينٽ ۾ پيش ڪئي ويندي.اجلاس ۾ بجلي جي لوڊشيڊنگ جو منصوبو وفاقي ڪابينا آڏو پيش ڪيو ويندو، پاور ڊويزن طرفان لوڊشيڊنگ جو پلان پڻ پيش ڪيو ويندو. ان کان علاوه، اجلاس ۾ 7 وڳي مارڪيٽن کي بند ڪرڻ ۽ هفتي جي آخر ۾ ٻيهر شروع ڪرڻ جي منظوري ڏني وئي آهي. وفاقي ڪابينه 3 جون تي اقتصادي رابطا ڪميٽي (اي سي سي) جي فيصلن جي توثيق ڪندي، وفاقي ڪابينا بچت مهم بابت تجويزون پيش ڪندي. ذريعن جو چوڻ آهي ته وفاقي ڪابينا وزيرن ۽ اعليٰ سرڪاري آفيسرن جي مراعات ۾ گهٽتائي جي منظوري ڏيندي. ڪابينا اجلاس ۾ ملڪي سياسي صورتحال تي به غور ويچار ڪيو ويندو.
83
