لاهور (رپورٽر) لاهور هاءِ ڪورٽ صوبائي گادي واري شهر ۾ بجليءَ جي لوڊشيڊنگ خلاف داخل درخواست تي وفاقي حڪومت کي نوٽيس جاري ڪري ڇڏيا، عدالت ۾ بجلي جي غير اعلانيل لوڊشيڊنگ خلاف درخواست تي ٻڌڻي ٿي، عدالت درخواست تي وفاقي حڪومت کي نوٽيس جاري ڪندي جواب طلب ڪري ورتو ۽ وڪيل کي هدايت وٺي پيش ٿيڻ جو حڪم ڏئي ڇڏيو، جسٽس شاهد ڪريم رمارڪس ڏنا ته اهڙن معاملن تي عدالتن کي فيصلا نه ڏيڻ گهرجن، اسان اهڙن معاملن ۾ ڪجهه نه ٿا ڪري سگهون، درخواست گذار ليسڪو ۽ وفاقي حڪومت سميت ٻين کي ڌر بڻائيندي موقف اختيار ڪيو ته شهر ۾ 12 ڪلاڪ بجلي جي لوڊشيڊنگ جاري آهي، ليسڪو چيف پنهنجون ذميواريون پورو ڪرڻ ۾ ناڪام ٿي چڪو آهي، بجلي جي غير اعلانيل لوڊشيڊنگ سان زندگي مفلوج بڻجي وئي آهي، عدالت ليسڪو چيف سميت ٻين ذميوارن خلاف ڪارروائي ڪري.
67
