اسلام آباد (رپورٽر) حڪومت شمسي توانائي لاءِ سولر پينل سستا ڪرڻ تي غور شروع ڪري ڇڏيو آهي. ايندڙ مالي سال جي وفاقي بجيٽ سڀاڻي پيش ڪئي ويندي جنهن ۾ مختلف ٽيڪسن جي تجويز ڏني وئي آهي ۽ ڪجهه رليف ڏيڻ تي غور ڪيو پيو وڃي، اهڙي صورتحال ۾ حڪومت شمسي توانائي لاءِ سولر پينلز تي 17 سيڪڙو جي ايس ٽي کي ختم ڪرڻ ۽ صارفين کي سولر پينلز جون آسان قسطون فراهم ڪرڻ جي تجويز تي غور ڪري رهي آهي. توانائي واري وزير خرم دستگير چيو آهي ته ايندڙ مالي سال کان مهيني ۾ 200 يونٽس تائين بجلي استعمال ڪندڙ صارفين لاءِ بجلي مهانگي نه ڪئي ويندي.
71
