اسلام آباد(بيورو)پاڪستان جي شماريات بيورو (پي بي ايس) پاران جاري ڪيل انگن اکرن موجب گذريل هفتي جي مقابلي ۾ حساس قيمتن واري انڊيڪس (ايس پي آءِ) جي ماپ مطابق مهانگائي جي شرح ۾ اضافو ٿيو آهي جنهن سبب توانائي ۽ کاڌي پيتي جي قيمتن ۾ اضافو 2.67 سيڪڙو آهي.مهانگائي ۾ هفتيوار اضافو 144 هفتن يا 3 سالن ۾ سڀ کان وڌيڪ آهي، پيٽرول ۽ ڊيزل جي قيمتن ۾ واڌ کي نظر ۾ رکندي آءِ ايم ايف جي توسيع ٿيل فنڊ سهولت پروگرام جي بحاليءَ لاءِ هلندڙ سال جي ڀيٽ ۾ هفتي واڌ 23.98 سيڪڙو رهي پيٽرول ۽ ٻين پيٽروليم شين جي قيمتن ۾ 30 رپيا في ليٽر واڌ جو اثر ايندڙ هفتي ايس پي آءِ جي ماپ ۾ وڌيڪ اضافي سان ڏسڻ ۾ ايندو، حڪومت طرفان ايندڙ هفتي قيمتن ۾ وڌيڪ واڌ جو امڪان آهي.حڪومت بجيٽ ۾ پيٽروليم شين تي سيلز ٽيڪس بحال ڪرڻ سان گڏ پيٽروليم ڊولپمينٽ ليوي مرحليوار لاڳو ڪرڻ جو اعلان ڪيو آهي.
78
