لاهور (رپورٽر) پاڪستان تحريڪ انصاف جي مرڪزي اڳواڻ ڊاڪٽر ياسمين راشد چيو آهي ته اسان آزاد قوم آهيون ڪنهن جا غلام ناهيون.سيشن ڪورٽ ٻاهران ميڊيا سان ڳالهائيندي ڊاڪٽر ياسمين راشد چيو ته 25 مئي تي پوليس لٺين سان منهنجي گاڏي جا شيشا ٽوڙي ڇڏيا، اهڙي پوليسنگ اڄ تائين نه ڏٺي آهي، مون ڳالهائڻ چاهيو پر هنن لٺين جي برسات ڪئي. ايف آءِ آر داخل ڪئي وئي، ايس ايڇ او چيو ته مٿان کان آرڊر آيو آهي، ايف آءِ آر داخل نه ٿي سگهي.اڳوڻي صوبائي وزير چيو ته 25 مئي تي پوليس جيڪا بربريت ۽ بدمعاشي ڪئي ان جو سڄو ميڊيا گواهه آهي، منهنجي عمر کي ڏسو، دهشتگردي جون دفعائون آهن. منهنجي خلاف ڪيس داخل ڪيو ويو آهي، راڻا ثناءُ الله کي جيڪڏهن ماڊل ٽائون سانحي ڪيس ۾ سزا ملي ها ته اهڙو ڏوهه نه ڪري ها.هن چيو ته اسان جا 3 ڪارڪن شهيد ٿيا، هر هڪ ڪارڪن جو احتساب ڪنداسين، اهي ماڻهو سمجهندا هئا ته پي ٽي آءِ ممي ڊيڊي پارٽي آهي پر اسان جي ڪارڪنن ثابت ڪيو ته پي ٽي آءِ ممي ڊيڊي پارٽي ناهي. پي ٽي آءِ اڳواڻ چيو ته اسان کي فخر آهي ته پاڪستان سان پيار ڪندڙ ماڻهون، اسان ڪنهن جا غلام يا غلام ناهيون پر پاڪستان جي سالميت لاءِ ٻاهر آيا آهيون.”اسان هڪ آزاد قوم آهيون ۽ اسان جدوجهد جاري رکنداسين.
62
