اسلام آباد (رپورٽر) اسلام آباد هاءِ ڪورٽ وفاقي راڄڌاني اسلام آباد ۾ يوسيز ۽ تڪ بندين بابت مسلم ليگ ن ۽ پيپلز پارٽي جي درخواست تي ٻڌڻي دوران گهرو وزارت، سيڪريٽري اليڪشن ڪميشن ۽ اليڪشن ڪميشن کي نوٽيس جاري ڪري ڇڏيا. اسلام آباد هاءِ ڪورٽ جي چيف جسٽس اطهر من الله ڪيس جي ٻڌڻي ڪئي. ٻڌڻي دوران وڪيل قاضي عادل دليل ڏيندي چيو ته حڪومت چيو آهي ته 101 يونين ڪائونسلون هجڻ گهرجن، چونڊن جو شيڊول اچي ويو آهي، سڀاڻي نامزدگي ڪاغذ جمع ڪرائڻ جي آخري تاريخ آهي، اليڪشن ڪميشن موجب 50، حڪومتي بيان موجب 101 يونين ڪائونسلون آهن. نوٽيفڪيشن اليڪشن ڪميشن پهرين جولاءِ تي مڪاني چونڊون ڪرائڻ جو شيڊول ڏئي ڇڏيو، گذريل حڪومت به 20 هزار يونين ڪائونسل ٺاهڻ جو چيو هو. عدالت پنهنجي ريمارڪس ۾ چيو ته اميد آهي ته اليڪشن ڪميشن گهرو وزارت جي نوٽيفڪيشن جي روشني ۾ درخواست تي غور ڪندي. عدالت گهرو وزارت ۽ اليڪشن ڪميشن کي نوٽيس جاري ڪري ڇڏيا.عدالت ڌرين کي ايندڙ سومر تائين پيرا ميڊيڪل تبصرا ۽ جواب جمع ڪرائڻ جي هدايت ڪندي چيو ته اليڪشن ڪميشن نامزدگي ڪاغذن جي تاريخ ۾ واڌ جي درخواست تي به غور ڪندو. عدالت جوابدار کان جواب طلب ڪندي ڪيس جي وڌيڪ ٻڌڻي سومر تائين ملتوي ڪري ڇڏي.
51
