اسلام آباد (م ڊ) پي ٽي آءِ اڳواڻ ڊاڪٽر شيرين مزاري جي گرفتاري جي جاچ لاءِ انڪوائري ڪميشن جوڙي وئي آهي، اسلام آباد هاءِ ڪورٽ اينٽي ڪرپشن اسٽيبلشمينٽ ۾ داخل ايراضي ڪيس ۾ شيرين مزاري جي گرفتاري جي جاچ لاءِ ٽه رڪني ڪميشن جوڙي ڇڏي، جنهن جي سربراهي اڳوڻي سيڪريٽري قانون جسٽس رٽائرڊ شڪور پراچا ڪندو، ڪميشن جي ٻين ميمبرن ۾ آءِ جي ڊاڪٽر نعمان خان، اڳوڻو وفاقي سيڪريٽري ڊاڪٽر سيف الله ڇٽه به شامل آهي، ڪابينا ڊويزن پاران جاري ڪيل نوٽيفڪيشن ۾ چيو ويو آهي ته ٽه رڪني ڪميشن شيرين مزاري جي گرفتاري بابت جاچ ۽ الزامن جو جائزو وٺندي، جڏهن ته 4 جولاءِ تائين پنهنجون سفارشون وفاقي ڪابينا کي موڪليندي.
53
