اسلام آباد (م ڊ) اڳوڻي وفاقي وزير فواد چوڌري چيو آهي ته ڪرائم منسٽر جي تقريرن سان ملڪ ٽرن آرائونڊ نه ٿيندو، جاري ڪيل بيان ۾ فواد چوڌري چيو ته پاڪستان جو رخ موڙڻ جي پهرين شرط ملڪ کي چورن ۽ لٽيرن کان بچائڻ آهي.هن چيو ته جيڪا جعلي سياسي سيٽ توهان ٻاهرين طاقتن جي هدايتن تي ٺاهي آهي، ان کي گهر موڪليو وڃي ۽ نيون چونڊون ڪرايون وڃن، ڪرائم منسٽر جي تقريرن سان ملڪ جو رخ نه مٽجندو.پي ٽي آءِ اڳواڻ چيو ته هو ڪراچي پوليس کان مطالبو ڪرڻ چاهين ٿا ته لوڊشيڊنگ خلاف احتجاج ڪندڙن تي تشدد نه ڪيو وڃي.فواد چوڌري چيو ته احتجاج بلڪل جائز آهي، هي اوهان جا پنهنجا ماڻهو آهن، اوهان به ان ئي عذاب مان گذري رهيا آهيو.هن وڌيڪ چيو ته زرداري ۽ مراد شاهه جا پيروڪار ان مسئلي جو اندازو نٿا لڳائي سگهن پر توهان قانون خلاف حڪم نه مڃيو.
65
