واشنگٽن (م ڊ) آمريڪي رياست ٽيڪساس ۾ ٽرڪ مان 46 مهاجرن جا لاش هٿ ڪيا ويا آهن.پرڏيهي ميڊيا موجب ٽيڪساس جي علائقي سين انتونيو ۾ هڪ لاوارث ٽرڪ مان 46 مهاجرن جا لاش مليا آهن.پوليس اختيارين موجب ٽرڪ جو ايئرڪنڊيشن ڪم نه ڪري رهيو هو ۽ ٽرڪ ۾ پيئڻ جو پاڻي به نه هو جڏهن ته ڊرائيور ٽرڪ ڇڏي فرار ٿي ويو. ٽن ماڻهن کي حراست ۾ ورتو ويو آهي، اهي سڀئي انساني اسمگلرن جي مدد سان آمريڪا آيا هئا،مارجي ويلن جي قوميت بابت اختيارين ڪو به تبصرو نه ڪيو آهي، وڌيڪ جاچ ڪئي پئي وڃي.
125
