اسلام آباد (رپورٽر) پرڏيهي وزير بلاول ڀٽو زرداري چيو آهي ته پاڪستان ۾ پرڏيهي سيڙپڪاري جا وسيع موقعا موجود آهن، بلاول ڀٽو زرداري ڪانگريس کي پاڪستان ڪاڪس سان وڊيو لنڪ ذريعي خطاب ڪندي چيو ته موسمياتي تبديلي، توانائي، صحت، سلامتي ۽ واپار سميت ٻه طرفن لاڳاپن ۾ مضبوطي اچي رهي آهي، پ پ چيئرمين اقتصادي سهڪار ذريعي ٻن طرفن لاڳاپن کي وڌيڪ مضبوط ڪرڻ جي خواهش جو اظهار پڻ ڪيو، ان موقعي تي هن ٻنهي ملڪن وچ ۾ عوام سان عوام، ڪاروبار کان ڪاروبار ۽ پارلياماني رابطن جي ضرورت تي زور ڏنو، پ پ چيئرمين چيو ته آمريڪا ۾ رهندڙ پاڪستاني ٻنهي ملڪن ۾ لاڳاپن کي مضبوط بڻائن ۾ اهم ڪردار ادا ڪري سگهن ٿا، آمريڪي ميمبر ڪانگريس شيلا جيڪسن لي چيو ته ملڪ جي معاشي حالتن کي بهتر ڪرڻ لاءِ عالمي مالياتي فنڊ کي خط لکندو.
64
