راولپنڊي: تحريڪ انصاف جي چيئرمين عمران خان جي تقرير دوران شاگردن جو وڏو انگ هال مان نڪري ويو، جنهن جي وڊيو پڻ سوشل ميڊيا تي وائرل ٿي رهي آهي.
تحريڪ انصاف جي چيئرمين عمران خان اڄ وڊيو لنڪ ذريعي سڄي ملڪ جي شاگردن کي خطاب ڪيو، جنهن ۾ هن شاگردن تي زور ڏنو ته هو محنت ڪن ۽ سڄي دنيا ۾ ملڪ ۽ قوم جو نالو روشن ڪن.
عمران خان جي خطاب دوران راولپنڊي جي سيٽلائيٽ ڊگري ڪاليج جي هڪ وڊيو وائرل ٿي رهي آهي، جنهن ۾ ڏسي سگهجي ٿو ته پي ٽي آءِ چيئرمين جي تقرير جي شروعات ۾ هال شاگردن سان ڀريل هو پر عمران خان جي تقرير دوران شاگرد هال مان نڪري ويا.
