ممبئي: ڀارتي رياست بهار ۾ زهريلو شراب پيئڻ سبب 39 ڄڻا فوت ٿي ويا.
ڀارتي ميڊيا موجب اڱاري ڏينهن ڀارتي رياست بهار جي ضلعي سارن ۾ شراب پيئڻ کانپوءِ ڪيترن ئي ماڻهن جي حالت خراب ٿي وئي، کين فوري طور اسپتال منتقل ڪيو ويو.
ميڊيا رپورٽن موجب 3 ڄڻا اسپتال کڻي وڃڻ دوران فوت ٿي ويا، جڏهن ته ٻيون فوتگيون ڪالهه ۽ اڄ ٿيون آهن.
ڀارتي ميڊيا جو چوڻ آهي ته واقعي کانپوءِ پوليس غير قانوني شراب جي دڪانن تي ڪريڪ ڊائون ڪندي ڪيترن ئي ماڻهن کي گرفتار ڪري ورتو آهي.
