افغانستان ۾ طالبان عورتن شاگردن جي يونيورسٽين ۾ داخلا تي پابندي لڳائي ڇڏي آهي

ڪابل: افغانستان ۾ طالبان يونيورسٽين ۾ شاگردياڻين جي داخلا تي عارضي پابندي لاڳو ڪري ڇڏي آهي.
پرڏيهي خابرو اداري موجب هائير ايجوڪيشن واري وزير مولوي ندا محمد نديم موجب سرڪاري ۽ خانگي يونيورسٽين ۾ شاگردياڻين جي داخلا تي پابندي لڳائي وئي آهي ۽ ان حڪم تي فوري طور تي عمل ڪيو ويندو.
تعليم واري وزارت جو چوڻ آهي ته اسڪالرن يونيورسٽين جي نصاب ۽ ماحول جو جائزو ورتو آهي، جنهن جي نتيجي ۾ شاگردن کي مناسب ماحول فراهم ڪرڻ تائين سندن حاضري معطل رهندي، شهري پريشان نه ٿين.
حڪومت جي اهڙي فيصلي تي عورتن سخت ڪاوڙ جو اظهار ڪيو آهي.
گڏيل قومن ۽ ڪيترن ئي ملڪن طالبان جي ان فيصلي جي مذمت ڪندي ان کي عورتن جي حقن جي ڀڃڪڙي قرار ڏنو آهي. آمريڪا چيو ته ان عمل جا ناڪاري نتيجا نڪرندا.