اسلام آباد: حج ۽ عمري لاءِ ويندڙ مسافرن کانسواءِ سمورن ماڻهن تي زمزم جو پاڻي کڻي وڃڻ تي پابندي لاڳو ڪئي وئي آهي.
سعودي حج ۽ عمره واري وزارت سعودي عرب لاءِ هلندڙ سمورين ايئر لائنز کي پيغام موڪلي ڇڏيو آهي، وزارت جي فيصلي موجب رڳو حج ۽ عمري لاءِ ايندڙ مسافر پاڻ سان زمزم جو پاڻي آڻي سگهن ٿا.
پوسٽ ۾ چيو ويو آهي ته وزيٽر ويزا، بزنس ويزا ۽ نوڪري ڪندڙ ماڻهو زم زم جو پاڻي پاڻ سان گڏ نه آڻي سگهندا، حج ۽ عمري جي مسافرن لاءِ به جهاز ۾ 5 ليٽر زمزم جي پاڻي جي صرف هڪ بوتل لوڊ ڪري سگهجي ٿي.
