نيويارڪ: مشهور آمريڪي ميگزين رولنگ اسٽون پاڪستان جي عظيم گلوڪار استاد نصرت فتح علي خان کي انساني تاريخ جي 200 عظيم گلوڪارن جي فهرست ۾ شامل ڪري ورتو آهي.
رولنگ اسٽون استاد نصرت فتح علي خان جو تعارف ڪرايو، کيس ’قوالي جو شهنشاهه‘ سڏيو ۽ سندس خانداني ورثي جي صدين تائين ساراهه ڪندي، کيس قوالي جي بادشاهت جو آئڪن قرار ڏنو آهي.
ميگزين موجب نصرت فتح علي خان 1980ع جي ڏهاڪي ۾ پنهنجي منفرد ڳائڻ ۽ خاص ڪري پيٽر گيبريل جي فلم ”ريئل ورلڊ ليبل“ لاءِ رڪارڊنگ ۽ پرفارمنس سان سڄي دنيا ۾ ماڻهن جون دليون کٽيون.
آمريڪي ميگزين موجب نصرت فتح علي خان جي مشهور مداحن ۾ مشهور گلوڪاره ميڊونا به شامل هئي، جڏهن ته ايڊي ويدر ساڻس گڏ ’ڊيڊ مين واڪنگ‘ ڳايو.
مضمون نگار وڌيڪ لکي ٿو ته جيف بڪلي نصرت فتح علي خان کي ’مائي ايلوس‘ سڏيندو هو ۽ استاد سان گڏ ڪم ڪرڻ لاءِ هن اردو به سکي ورتي.
ڀارت جي مشهور ڳائڻي لتا منگيشڪر کي به عظيم گلوڪارن جي لسٽ ۾ جاءِ ملي آهي ۽ رولنگ اسٽون کيس ’پلي بيڪ سنگرز جي راڻي‘ ۽ ’سرن جي راڻي‘ سڏيو آهي.
