لاهور: پاڪستان تحريڪ انصاف جي اڳواڻ فيصل واوڊا دعويٰ ڪئي آهي ته عمران خان جي گهرواري بشرا بي بي جي ويجهي دوست فرح گوگي کي اڳوڻي آرمي چيف جنرل قمر جاويد جي حڪم تي ٻاهر موڪليو ويو.
خانگي چينل جي ٽاڪ شو ۾ ڳالهائيندي فيصل واوڊا دعويٰ ڪئي ته جنرل (ر) باجوه جي حڪم تي فرح گوگي کي ملڪ ڇڏڻ جي اجازت ڏني وئي.
فيصل واوڊا جو چوڻ هو ته ”ڇاڪاڻ ته جنرل باجوه چيو هو ته عمران خان ذاتي طور تي ڳالهه ڪندو، ان ڪري اسان ان تي ان حد تائين بحث نه ڪيو، اهو ئي سبب آهي جو فرح گوگي پرڏيهه وئي، اڳوڻي آرمي چيف جنرل قمر جاويد باجوه کي خبر هئي“.
