اسلام آباد: اليڪشن ڪميشن سنڌ حڪومت جو فيصلو رد ڪندي 15 جنوري تي ئي صوبي ۾ مڪاني چونڊن جو ٻيو مرحلو مڪمل ڪرڻ جو فيصلو ڪري ورتو آهي. چيف اليڪشن ڪمشنر جي سربراهي ۾ اليڪشن ڪميشن ۾ ٿيندڙ اجلاس ۾ ڪراچي ۽ حيدرآباد ۾ مڪاني چونڊون ملتوي ڪرڻ جي معاملي تي غور ڪيو ويو.
اليڪشن ڪميشن جي اجلاس ۾ سنڌ حڪومت پاران 15 جنوري تي ڪراچي ۽ حيدرآباد ۾ مڪاني چونڊون ملتوي ڪرائڻ جو فيصلو رد ڪيو ويو.
اليڪسن ڪميشن فيصلو ڪيو آهي ته سنڌ ۾ مڪاني چونڊن جو ٻيو مرحلو 15 جنوري تي ئي مڪمل ڪيو ويندو.
اليڪشن ڪميشن ان سلسلي ۾ گهرو وزارت کي انتهائي حساس پولنگ اسٽيشنن تي فوج ۽ رينجرز جي مقرري يقيني بنائڻ جي هدايت ڪئي آهي.
ياد رهي ته سنڌ حڪومت ڪراچي، حيدرآباد ۽ دادو ۾ 15 جنوري تي مڪاني چونڊون نه ڪرائڻ جو اعلان ڪيو آهي. جڏهن ته جماعت اسلامي سنڌ حڪومت جي فيصلي تي اڄ ڌرڻو هڻڻ جو اعلان ڪيو آهي.
75
