لاهور (ويب ڊيسڪ) گلوڪار علي ظفر طرفان ميشا شفيع خلاف هراسان ڪرڻ واري ڪيس ۾ گلوڪاره ميشا شفيع خلاف سيشن ڪورٽ ۾ وڊيو لنڪ ذريعي ٻڌڻي پهرين مارچ تائين ملتوي ڪئي وئي آهي.
رپورٽ موجب لاهور جي سيشن ڪورٽ ۾ گلوڪار علي ظفر عدالت ۾ پيش ٿيو، علي ظفر جي وڪيل طارق گل وڊيو لنڪ ذريعي ميشا شفيع تي جرح ڪئي.
ميشا شفيع خلاف ڪيس جي ٻڌڻي دوران علي ظفر جي وڪيل ميشا شفيع کان سوال ڪيو ته توهان عدالت ۾ هڪ تصوير پيش ڪئي جنهن تي توهان جنسي هراساني جو الزام لڳايو هو، جيڪو توهان پنهنجي فيس بڪ اڪائونٽ تي اپ لوڊ ڪيو هو؟
هن وڌيڪ سوال ڪيو ته توهان ڪيپشن لکيو آهي ته اڄ رات پارٽي ٿيندي، توهان جنهن تصوير کي اپ لوڊ ڪري رهيا آهيو ان کي توهان ڪيپشن سان جنسي هراساني ڪيئن ٿا سڏي سگهو؟ ٻڌڻي دوران ميشا شفيع جي فيس بڪ اڪائونٽ تي فوٽو به کوليو ويو ۽ عدالت ۾ ڏيکاريو ويو.
علي ظفر جي وڪيل وڌيڪ چيو ته هو پاڪستان آيو آهي ۽ چيو آهي ته کيس عدالت ڪڏهن به نه سڏيو آهي، هن عدالتي حڪمن بابت ڄاڻي واڻي غلط بياني ڪئي.
