اسلام آباد: اسلام آباد جي دهشتگردي ٽوڙ عدالت جڊيشل ڀڃ ڊاهه ڪيس ۾ پي ٽي آءِ صدر پرويز الاهي جي ضمانت درخواست منظور ڪندي کيس آزاد ڪرڻ جو حڪم ڏئي ڇڏيو آهي.
پرويز الاهي جي ضمانت درخواست تي ٻڌڻي دوران پراسيڪيوٽر راجا نويد، پرويز الاهي جا وڪيل بابر اعواڻ ۽ سردار عبدالرزاق پيش ٿيا.
پراسيڪيوٽر ڪيس جو رڪارڊ عدالت ۾ پيش نه ڪري سگهيو، جنهن تي عدالت رمارڪس ڏنا ته رمانڊ دوران چوڌري پرويز الاهي وٽان ڪجهه به هٿ نه آيو.
ايف آءِ آر ۾ پرويز الاهي نامزد به نه آهي، ان ڪري جوابدار کان وڌيڪ جاچ نه ٿئي، جج ابوالحسنات ذوالقرنين پي ٽي آءِ صدر جي 20 هزار رپين جي مچلڪن عيوض ضمانت منظور ڪري ورتي آهي.
59
