مبارڪپور:مبارڪپور ۾ ڀت ڪرڻ سبب 2 نينگري دٻجي ويون جنهن مان هڪ معصوم ٻارڙي فوت جڏهن ته ٻئي زخمي ٿي پئي، جن کي اسپتال اماڻيو ويو.
ڳوٺ قادر بخش مھر ۾ ڀت ڪرڻ سبب 2 ٻارڙيون 3 ورهين جي شهلا ڌيءَ امتياز ۽ فضا ڌيءَ جاويد مهر سخت زخمي ٿي پيون. ٻنهي نينگرين کي علاج جي لاءِ اسپتال اماڻيو ويو جتي 3 ورهين جي نينگري شھلا ڌيءَ امتياز اسپتال نئيندي رستي ۾ فوت ٿي وئي، جڏهن ته ٻئي نينگري جو اسپتال ۾ علاج جاري آهي.
ڳوٺاڻن موجب ٻئي نينگريون گھر ٻاھران راند کيڏي رھيون ھيون ته سندن مٿان اوچتو ڀٿ ڪري پئي. نينگري جو مڙھ گھر پھچڻ تي ڪھرام مچي ويو. فوت ۽ زخمي ٻئي نينگريون پاڻ ۾ سئوٽ ھيون
