ڪراچي: ايراني صدر جي شهادت تي اڄ سنڌ سميت سڄي ملڪ ۾ سوڳ ملهايو پيو وڃي.
هيليڪاپٽر حادثي ۾ فوت ٿيل ايراني صدر ابراهيم رئيسي ۽ ٻين اختيارين جي سوڳ ۾ پاڪستاني حڪومت ۽ عوام طرفان ايراني حڪومت ۽ عوام سان گڏ يڪجهتي جي اظهار ۾ وزيراعظم شهباز شريف ۽ سنڌ جي وڏي وزير اڱاري 21 مئي 2024 تي سنڌ صوبي سميت سموري ملڪ ۾ سوڳ جو ڏهاڙو ملهائڻ جو اعلان ڪيو آهي.
ڪابينه ڊويزن طرفان ايراني صدر ۽ ٻين اعليٰ سرڪاري اختيارين جي شهادت جي حوالي سان سوڳ ملهائڻ جو باقاعده نوٽيفڪيشن جاري ڪيو ويو آهي.
