اسلام آباد (رپورٽر) پاڪستان مسلم ليگ (ن) پاڪستان تحريڪ انصاف جي اڳواڻ ۽ پنجاب جي اڳوڻي وڏي وزير عثمان بوزدار جي مبينا ڪرپشن خلاف اينٽي ڪرپشن کاتي سان رابطو ڪرڻ جو اعلان ڪري ڇڏيو.اسلام آباد ۾ پريس ڪانفرنس ڪندي ن ليگ اڳواڻ عطا تارڙ چيو ته پاڪستان تحريڪ انصاف جو چيئرمين ۽ اڳوڻو وزيراعظم عمران خان اقتدار مان نڪرڻ کانپوءِ پرهيزگاري جون دعوائون ڪري رهيو آهي، ملڪ ۾ اهڙو ڪو به ناهي جو هن کان وڌيڪ صاف آهي. گذريل حڪومت ۾ عمران خان پنهنجي اختيارن جو ناجائز فائدو ورتو.ن ليگ اڳواڻ چيو ته 2019ع ۾ ايمنسٽي ذريعي بليڪ مني لانڊرنگ ڪئي وئي، ايمنسٽي اسڪيم سندس ويجهن ماڻهن لاءِ هئي، ايمنسٽي اسڪيم ذريعي عمران خان جي ويجهو ماڻهن جي ڪرپشن کي لڪايو ويو.
92
