ڪراچي: سنڌ جي مختلف شهرن ۾ گرمي پد 48 کان 50 ڊگري سينٽي گريڊ رهڻ معمول بڻجي ويو آهي.
سنڌ جي مختلف شهرن ۾ گرمي جي شديد لهر سبب ڏينهن جي وقت بازار ۽ روڊ سنسان رهڻ لڳا آهن.
موسميات کاتي اڄ دادو ۽ موهن جو دڙو ۾ گرمي پد 50 ڊگري سينٽي گريڊ کان مٿي وڃڻ جي اڳڪٿي ڪري ڇڏي آهي ان کان علاوه سکر ۽ نوابشاهه ۾ شهري 48 ڊگري جي گرمي برداشت ڪندا.
ٻئي پاسي پنجاب جي ڏاکڻي ۽ اوڀرين ضلعن ۾ به هيٽ ويو جاري آهي. بهاوالپور ۾ 47، جڏهن ته لاهور سميت ڪيترن ئي ضلعن ۾ 44 ڊگري يا ان کان وڌيڪ رهڻ جو امڪان آهي.
موسميات کاتي پشاور ۾ گرمي پد 41، اسلام آباد ۾ 40 ۽ ڪراچي ۾ 37 ڊگري سينٽي گريڊ رهڻ جي اڳڪٿي ڪئي آهي پر شديد نمي سبب گرمي جو احساس 4 کان 6 ڊگري وڌيڪ هوندو.
