واشنگٽن: (اربع: 26 جون 2024ع) آمريڪي ڪانگريس پاڪستان ۾ ٿيل تازين چونڊن کي آزادانه، منصفانه مڃڻ کان انڪار ڪندي پاڪستان ۾ عام چونڊن ۾ مبينه ڌانڌلي جي شفاف جاچ جو مطالبو ڪري ڇڏيو.
آمريڪي ڪانگريس قرارداد 7 جي مقابلي ۾ 368 ووٽن جي اڪثريت سان منظور ڪري ورتي، قرارداد جي متن ۾ چيو ويو آهي ته اليڪشن جي آزادانه ۽ اڻڌري جاچ ڪئي وڃي. انٽرنيٽ ۽ ٽيلي ڪميونيڪيشن سهوليتن جي معطلي مذمت جوڳي آهي.
قرارداد جي متن موجب 8 فيبروري جي چونڊن ۾ مداخلت ۽ بي ضابطگين جي دعوائن جي آزادانه جاچ ڪئي وڃي، عوام کي جمهوري عمل ۾ شرڪت کان روڪڻ لاءِ عوام کي دٻائڻ جي ڪوششن جي مذمت ڪريون ٿا.
قرارداد ۾ عوام کي جمهوري عمل ۾ حصو وٺڻ کان باز رکڻ لاءِ ڌمڪائڻ، قيد ۽ حراسان ڪرڻ جي مذمت ڪئي وئي، ياد رهي ته آمريڪي ڪانگريس جي اها هڪ نان بائنڊنگ قرارداد آهي جنهن تي عمل ڪرڻ حڪومت جي لاءِ ضروري نه آهي.
