چارسده: خيبرپختونخواهه جي گادي واري شهر پشاور ۽ چارسده ضلعي سميت مختلف علائقن ۾ تيز برسات کان پوءِ ايندڙ طوفان ڪيترن ئي گهرن جون ڇتيون اڏائي ڇڏيون آهن.
ريسڪيو ذريعن موجب چارسده جي علائقي ترنگزئي خٽ ڪورونه ۾ تيز طوفان سبب ڪمري ۾ ڇت ڪري پئي جنهن جي نتيجي ۾ 5 ڄڻا فوت ٿي ويا.
ريسڪيو ذريعن ٻڌايو آهي ته چارسده ۾ ڇت ڪرڻ سبب فوت ٿي ويلن ۾ مڙس، زال ۽ انهن جا 3 ٻار شامل آهن. ريسڪيو ذريعن موجب متاثره ماڻهن کي چارسده جي ڊي ايڇ ڪيو اسپتال منتقل ڪيو ويو هو جتي متاثرين زخمن جي سٽ نه سهندي فوت ٿي ويا آهن.
