لاهور (رپورٽر) پنجاب جي وڏي وزير حمزا شهباز چيو آهي ته عمران خان اسان جي سفارتي لاڳاپن کي ناقابل تلافي نقصان پهچايو آهي.لاهور ۾ پريس ڪانفرنس ڪندي پنجاب جي وڏي وزير حمزا شهباز اتحادي اڳواڻن سان گڏ چيو ته عوام گذريل 4 سالن کان مهانگائي جو شڪار آهي.هن وڌيڪ چيو ته عمر سرفراز چيما ۽ ايوان صدر ۾ ويٺل شخص پاڪستان جي آئين شڪن آهن.حمزه شهباز چيو ته هو جيستائين الله چاهيندو وڏو وزير رهندو، پاڪستان ۾ انتشار پکڙجي رهيو آهي.هن چيو ته نواز شريف ۽ شهباز شريف مون کي عوام جي خدمت ڪرڻ سيکاريو آهي.پنجاب جي وڏي وزير چيو ته پنجاب ۾ ڏيڍ مهيني کان گورنر ناهي آيو، ايوان صدر مان حلف نه کڻڻ جي بيماري پکڙجندي هڪ مهيني کان وڌيڪ وقت ٿي ويو آهي.ن ليگ اڳواڻ چيو ته 4 سالن ۾ پنجاب سان زيادتي ڪئي وئي، صوبي جي عوام جي خدمت جي جذبي سان اڳتي وڌندو رهندس، عمران نيازي ڳالهه ٻڌو، مون کي عوام جي خدمت ڪرڻ کان ڪا طاقت روڪي نه ٿي سگهي، اڄ اها سياست ناهي. هو سياست جي آڙ ۾ انتشار پکيڙي رهيا آهن.
103
