لاهور (رپورٽر) مني لانڊرنگ ريفرنس ۾ وزيراعظم شهباز شريف ۽ پنجاب جو وڏو وزير حمزا شهباز عدالت ۾ پيش ٿيا. لاهور جي خاص عدالت سينٽرل ۾ 16 ارب رپين جي مني لانڊرنگ ڪيس جي ٻڌڻي ٿي، جنهن ۾ وزيراعظم شهباز شريف ۽ پنجاب جو وڏو وزير حمزا شهباز عدالت ۾ پيش ٿيا. ٻڌڻي دوران وزيراعظم جي وڪيل امجد پرويز دليل ڏيندي چيو ته عدالت چالان ۾ جوابدار کي ضابطي جي ڪارروائي کانپوءِ اڃا تائين جوابدار قرار نه ڏنو آهي. امجد پرويز پنهنجي دليلن ۾ چيو ته مشتاق چنگي دستاويز ڏنا ته 4 ارب رپيا کنڊ جي ڪاروبار سان نه پر ڪاروبار سان لاڳاپيل آهن. مشتاق چيني جو بيان به رڪارڊ جو حصو آهي، ايف آءِ آر ۾ کنڊ جي ڪاروبار ۾ 4 ارب جي ڪرپشن جو الزام هو پر ايف آءِ اي جو رڪارڊ اهو الزام ثابت نٿو ڪري، مشتاق چيني جو بيان به الزام غلط ثابت ڪري ٿو. عدالت سليمان شهباز ۽ ٻين کي اشتهاري قرار ڏيڻ واري درخواست تي فيصلو محفوظ ڪري ورتو. ٻڌڻي دوران وزيراعظم شهباز شريف روسٽرم تي آيو ۽ چيو ته برطانوي ٽيم جاچ اڳوڻي وزيراعظم جي درخواست تي ڪئي پر برطانيا ۾ ٿيل جاچ ۾ به سندس بيگناهه ثابت ٿيو، هو 2004ع ۾ پاڪستان آيو هو، جيڪڏهن مان هجي ها. ناجائز پئسا ته پوءِ پاڪستان ڇو هليو، مون هن قوم جا اربين روپيا بچيا.
82
