پرڏيهي وزير بلاول ڀٽو زرداري اڄ ٻن ڏينهن جي دوري تي چين روانو ٿيندو

اسلام آباد (رپورٽر) پرڏيهي وزير بلاول ڀٽو زرداري اڄ ٻن ڏينهن جي سرڪاري دوري تي چين روانو ٿيندو.پرڏيهي آفيس موجب پرڏيهي وزير بلاول ڀٽو زرداري پنهنجي چيني هم منصب جي خاص دعوت تي اڄ بيجنگ پهچندو ۽ عهدو سنڀالڻ کانپوءِ هي سندس چين جو پهريون دورو هوندو. پرڏيهي وزير پنهنجي ٻن ڏينهن جي دوري دوران پنهنجي چيني هم منصب وانگ يي سان ملاقات ڪندو جنهن ۾ پاڪ-چين واپاري ۽ اقتصادي سهڪار سميت ٻطرفن لاڳاپن جي سمورن رخن جو جائزو وٺندو.