لاهور(بيورو)پنجاب جي وڏي وزير حمزا شهباز پي ٽي آءِ اڳواڻ شيرين مزاري کي آزاد ڪرڻ جو حڪم ڏئي ڇڏيو آهي.حمزا شهباز چيو ته شيرين مزاري هڪ عورت جي حيثيت سان عزت جي لائق آهي، کيس آزاد ڪرڻ جو حڪم ڏنو.هن چيو ته ڪنهن به عورت جي گرفتاري سماجي قدرن جي ڀڃڪڙي ناهي.هن هدايت ڪئي ته شيرين مزاري کي گرفتار ڪندڙ اينٽي ڪرپشن اهلڪارن خلاف به جاچ ڪئي وڃي،هن چيو ته جيڪڏهن جاچ ۾ گرفتاري ناگزير آهي ته پوءِ قانون پنهنجو رستو ٺاهيندو، هن شيرين مزاري جي گرفتاري واري عمل سان اتفاق نه ڪيو.پنجاب جي وڏي وزير چيو ته مسلم ليگ ن هڪ سياسي پارٽي طور عورتن جي عزت تي يقين رکي ٿي.سندس چوڻ هو ته مريم نواز بابت بيان بازي جي مذمت ڪريون ٿا پر انتقام اسان جو رستو ناهي. هن راولپنڊي پوليس کي هدايت ڪئي ته شيرين مزاري کي اينٽي ڪرپشن جي حراست مان آزاد ڪيو وڃي.
62
