لاهور (رپورٽر) وفاقي گهرو وزير راڻا ثناءُ الله چيو آهي ته عمران خان جي گرفتاري لاءِ دعا ڪريو.لاهور ۾ صحافين سان ڳالهائيندي راڻا ثناءُ الله چيو ته هو چاهين ٿا ته عمران خان کي ان ئي سيل ۾ رکيو وڃي جتي کيس رکيو ويو هو پر اتحادي پارٽين جي اڳواڻن کانسواءِ اهڙا فيصلا نٿا ٿي سگهن.هن چيو ته عمران خان کي 3 ڏينهن جيل ۾ رکيو ويو ته سندس سياست ختم ٿي ويندي.پنجاب اسيمبلي جي اجلاس بابت ڳالهائيندي راڻا ثناءُ الله چيو ته پرويز الاهي پهريان پنهنجي خلاف بي اعتمادي واري رٿ تي ووٽ ڏئي پوءِ اجلاس گهرائي.پاڪستان تحريڪ انصاف (پي ٽي آءِ) اڳواڻ جي گرفتاري بابت پڇيل سوال تي گهرو وزير چيو ته شيرين مزاري جي گرفتاري ۾ نه حڪومت ۽ نه ئي ڪو ٻيو ملوث آهي.راڻا ثناءُ الله چيو ته ملڪ کي وهنوار مان ڪڍڻ لاءِ اسان کي ۽ ادارن کي وڌيڪ دٻاءُ وجهڻ جي ضرورت آهي.
69
