ميرپورخاص: ميرپورخاص ويجهو محمد ميڊيڪل ڪاليج ڀرسان تيز رفتار بس فٽ پاٿ تي چڙھڻ سبب ڪلٽي ٿي پئي جنھن جي نتيجي ۾ هڪ سال جي ٻارڙي سدره لاشاري ٿڏي تي فوت ٿي وئي، جڏهن ته 10 ٻارن ۽ 9 عورتن سميت 30 ڄڻا زخمي ٿي پيا.
زخمين ۾ جمعون، راحب، فھيم، غلام قادر، شھزاد، شايان، بشير احمد، نازما، غلام عباس ۽ ٻيا شامل آهن.
هوڏانهن ٻارڙي جي لاش ۽ زخمين کي سول اسپتال منتقل ڪيو ويو جتي 5 ڄڻن جي حالت ڳڻتي جوڳي هئڻ سبب کين حيدرآباد ريفر ڪيو ويو.
بس ۾ سوار لاشاري برادري سان تعلق رکندڙ هئا جيڪي سمن سرڪار جي درگاهه تي حاضري بعد واپس ٽنڊو ڄام موٽي رهيا هئا ته ميرپورخاص وٽ حادثو پيش آيو.
64
