ڪوٽڙي ڪوٽڙي ۾ شادي شده عورت سان مبينا ريپ ڪيو ويو، عدالتي حڪم تي ڪيس داخل ڪيو ويو آهي
متاثرعورت جي فرياد تي عمر دراز، نديم ممتاز ۽ هڪ اڻڄاتل جوابدار خلاف اغوا ۽ جنسي زيادتي جو ڪيس داخل ڪيو ويو
متاثر عورت جو چوڻ هو ته ڪجهه ڏينهن اڳ مڙس جي پگهار وٺڻ ويس ته فيڪٽري انتظاميه پگهار ڏيڻ کان جواب ڏيندي موٽائي ڇڏيو
هن چيو ته عمر دراز قريشي فون ڪري چيو ته ڪوٽڙي جي هرڻ چوڪ تي اچ ته توکي پگهار وٺرائي ڏيان
عورت چيو ته هرڻ چوڪ تان جوابدار زبردستي ڪار ۾ ويهاري اڻڄاتل هنڌ کڻي ويا، جتي عمر دراز زيادتي جو نشانو بڻايو
متاثر عورت دانهيندي چيو ته مان دانهون ڪندي رهيس، جوابدار کي منٿون ڪيون پر هو زيادتي ڪندو رهيو، انصاف ڪيو وڃي
