راولپنڊي: ڊيره اسماعيل خان جي علائقي ڪلاچي ۾ انٽيليجنس بيسڊ آپريشن ڪيو ويو جنهن دوران سخت فائرنگ جي ڏي وٺ بعد 2 دهشتگرد مارجي ويا.
ٻئي طرف ڏکڻ وزيرستان جي علائقي ڪوٽ اعظم ۾ ڪيل ڪارروائي دوران هڪ ٻيو دهشتگرد مارجي ويو.
آءِ ايس پي آر موجب دهشتگرد سيڪيورٽي فورسز سان گڏوگڏ معصوم شهرين جي خلاف دهشتگردي جي ڪيترين ئي ڪاررواين ۾ سرگرم رهيا. مارجي ويل ٽنهي دهشتگردن کان هٿيار ۽ بارودي مواد به هٿ آيو آهي.
ٻئي پاسي اتر وزيرستان جي علائقي غور يوم ۾ هڪ ديسي بم ڦاٽي پيو جنهن جي نتيجي ۾ هڪ فوجي جوان شهيد ٿي ويو. شهيد ٿيل 26 ورهين جي سپاهي شاهزيب جو تعلق راولپنڊي سان هو.
