اسلام آباد: صدر آصف علي زرداري سان سعودي عرب جي سيڙپڪاري واري وفد ملاقات ڪئي آهي جنهن ۾ معيشت، زراعت مائننگ ۽ انفارميشن ٽيڪنالاجي جي شعبن ۾ تعاون وڌائڻ تي پڻ اتفاق ڪيو ويو آهي.
ملاقات دوران صدر آصف علي زرداري چيو آهي ته پاڪستان ۽ سعودي عرب وچ ۾ ڊگهي مدي جا آزمايل لاڳاپا آهن، اهڙن لاڳاپن کي هڪ ڊگھي واري مدي اسٽريٽجڪ ۽ اقتصادي ڀائيواري ۾ تبديل ڪيو وڃي. اسلامي دنيا جي پرامن مستقبل لاءِ گڏجي ڪم ڪرڻ گهرجي.
صدر آصف زرداري سان سعودي سيڙپڪاري واري وزير خالد بن عبدالعزيز الفتاح جي اڳواڻي ۾ وفد ايوان صدر ۾ ملاقات ڪئي. ملاقات ۾ ٻنهي پاڙيسري ملڪن معيشت، زراعت ڪوئلي جي کاڻ ۽ انفارميشن ٽيڪنالاجي ۾ تعاون وڌائڻ جي ارادن جو اظهار ڪيو ويو.
ٻنهي ملڪن لاڳاپن کي هڪ ڊگهي مدي واري اسٽريٽجڪ ۽ اقتصادي ڀائيواري ۾ تبديل ڪرڻ جي خواهش جو اظهار به ڪيو. انهي موقعي تي صدر آصف علي زرداري چيو ته اسلامي دنيا جي پرامن مستقبل لاءِ ڪم ڪرڻ گهرجي.
پاڪستان ۽ سعودي عرب وچ ۾ ڊگهي مدي وارا آزمايل لاڳاپا آهن، اهڙن لاڳاپن کي هڪ ڊگهي مدي اسٽريٽجڪ ۽ اقتصادي ڀائيواري ۾ تبديل ڪيو وڃي. آصف علي زرداري پاڪستان طرفان سعودي عرب سان يڪجهتي جي ارادن جو اظهار ڪيو ۽ سعودي عرب جي ولي عهد محمد بن سلمان آل سعود جي بصيرت ۽ قيادت جي پڻ تعريف ڪئي.
صدر زرداري سعودي عرب جي ويزن 2030 جي تحت شاندار ترقي جي تعريف ڪندي چيو ته سعودي عرب جي ترقي ۽ خوشحالي اسان جي لاءِ باعث مسرت ۽ فخر آهي. صدر آصف زرداري هر مشڪل گهڙي ۾ پاڪستان جو ساٿ ڏيڻ تي سعودي عرب جو ٿورو ادا ڪيو ۽ چيو ته سعودي عرب جي ترقي ۽ خوشحالي اسان جي لاءِ باعث مسرت ۽ فخر آهي. ٻنهي پاڙيسري ملڪن کي خطي ۽ اسلامي دنيا جي خوشحالي ۽ پرامن مستقبل جي جي لاءِ ڪم ڪرڻ گهرجي.
انهي موقعي تي سعودي سيڙپڪاري واري وزير چيو ته سعودي عرب پاڪستان جي تعميري انفرااسٽرڪچر جي شعبن ۾ سرمائيڪاري جو منصوبو ٺاهيو آهي. سعودي وفد مختلف شعبن ۾ 25 معاهدن تي صحيحون ڪندو. هن وڌيڪ چيو ته اهڙن معاهدن سان ٻطرفي اقتصادي تعاون جي نئين دور جي شروعات ٿيندي.
