راولپنڊي: اڳوڻي وفاقي وزير ۽ عوامي مسلم ليگ جي سربراهه شيخ رشيد چيو آهي ته راند شروع ٿي چڪي آهي، ٻوليون لڳي رهيون آهن، وڪرو ٿيندڙ ۽ وڪرو ڪندڙ ٻئي موجود آهن انهن جي وچ ۾ ئي مقابلو آهي. هنن جو ٽائيم هاڻ گذري ويو، سيٽي وڄڻ واري آهي، گيٽ نمبر 4 ڪڏهن ڪڏهن اونڌو به کلندو آهي.
اڳوڻي وفاقي وزير ۽ عوامي مسلم ليگ جي سربراهه شيخ رشيد احمد صحافين سان ڳالهيون ڪندي چيو ته آئيني ترميم تي هن وقت ڪجهه نٿو چئي سگهان، ڪليم الله ۽ سميع الله وچ ۾ مقابلو هلي رهيو آهي. سيٽي وڄڻ واري آهي، هنن جو ٽائيم گذري ويو، گيٽ نمبر 4 اونڌو به کلندو آهي، پوءِ هي چوندا ته اسان کي ڇو ڪڍيو ويو.
شيخ رشيد چيو ته هنن ڪرفيو ۾ ڪانفرنس ڪئي، ماڻهو ڪانفرنس جي خوشي ملهائيندا آهن، هنن ڪانفرنس واري ڏينهن پابندي لڳائي ڇڏي، اسڪولن، ڪاليجن ۽ آفيسن کي بند رکيو ويو، ماڻهن جي ڪاروبار کي تباهه ڪيو ويو.
اڳوڻي وفاقي وزير چيو ته پوري اسلام آباد کي5 ڏينهن لاءِ بند رکيو ويو، ترميم جي باري ۾ هن وقت ڪجهه نٿو چئي سگهان، مان مولانا فضل الرحمان کي سلام پيش ڪريان ٿو، منهنجا مولانا فضل الرحمان جي پيءُ سان تعلقات سٺا رهيا آهن، اڄ عوام جي وچ ۾ مولانا فضل الرحمان جو وڏو مان مرتبو آهي. مان به مولانا فضل الرحمان سان ملاقات لاءِ ويندس. شيخ رشيد وڌيڪ چيو ته 40 ڏينهن جو چلو ڪاٽڻ کان پوءِ فتح جي ويجهو پهتو آهيان، هر قسم جي فيصلي لاءِ تيار آهيان.
ٻئي پاسي دهشتگردي جي انت واري عدالت ۾ پي ٽي آءِ باني ۽ شيخ رشيد تي 9 مئي واقعن جي ڪيسن ۾ فرد جرم لاڳو ڪرڻ واري ڪيس جي ٻڌڻي ٿي، شيخ رشيد عدالت جي آڏو پيش ٿيو. شيخ رشيد کي به چالان جي ڪاپي ڏني وئي پر اڄ فرد جرم لاڳو نه ٿي سگهيو.
عدالت ۾ ايندڙ تاريخ فرد جرم جي لاءِ مقرر ڪئي وئي آهي. ايندڙ تاريخ تي پي ٽي آءِ باني عمران خان ۽ شيخ رشيد مٿان فرد جرم لاڳو ڪرڻ لاءِ ڪيس جي ايندڙ ٻڌڻي جيل ۾ ٿيندي.
