اسلام آباد: صدر آصف علي زرداري نجي دوري تي دبئي روانو ٿي ويو آهي، صدر آصف علي زرداري دبئي ۾ 2 ڏينهن ترسندو.
صدر جي غير موجودگي ۾ سينيٽ چيئرمين يوسف رضا گيلاني وقتي صدر جو عهدو سنڀالي ورتو آهي. ياد رهي ته ڪجهه ڏينهن اڳ پاڪستان مسلم ليگ(ن) جو اڳواڻ نوازشريف به پنهنجي چيڪ اپ لاءِ لنڊن روانو ٿيڻ کان اڳ دبئي پهتو هو. جنهن کان پوءِ هو لنڊن ۾ هڪ ڏينهن ترسڻ کان پوءِ آمريڪا روانو ٿي ويو هو.
نوازشريف آمريڪا ۾ هڪ هفتو گذارڻ کان پوءِ واپس لنڊن ايندو. جتي هو پنجاب جي وزيراعليٰ مريم نواز سان ملندو جنهن کان پوءِ مريم ۽ نوازشريف يورپ جي دوري تي روانا ٿيندا.
