نئون ديرو: نئون ديرو ڀرسان جيها ۽ ڏاهاڻي برادري جي ٻن ڌرين ۾ هلندڙ پراڻي تڪرار تان هٿياربندن جي فائرنگ سبب 2 ڄڻا مارجي ويا آهن.
ڳڙهي خدابخش ٿاڻي جي حد ڳوٺ مراد ڏاهاڻي ۾ جيها- ڏاهاڻي تڪرار تان فائرنگ ۾ جهنڊو پٽ واحد بخش ۽ محمد پناهه پٽ غلام مصطفي ڏاهاڻي مارجي ويا. واقعي جي اطلاع تي ڳڙهي خدابخش ڀٽو ٿاڻي جي پوليس جهيڙي واري هنڌ رواني ٿي وئي
مارجي ويل ٻنهي ڄڻن جا لاش پوسٽ مارٽم لاءِ نئون ديرو اسپتال پهچايا ويا.
ان حوالي سان ڊي ايس پي نئون نثار بروهي ٻڌايو ته ڳوٺ مراد ڏاهاڻي ۾ جيها ۽ ڏاهاڻي ڌرين ۾ جهيڙو ٿيو آهي جنهن ۾ ڏاهاڻي ڌر جا 2 ڄڻا مارجي ويا آهن، پوليس نفري کي اماڻيو آهي وڌيڪ جاچ ڪئي پئي وڃي.
