لاهور: وفاقي اطلاعات واري وزير عطاءُالله تارڙ چيو آهي ته ڌرڻي جو خرچ ڪٿان کان اچي رهيو هو ڇو ته ڪوبه هڪ هفتي جي ڌرڻي جو خرچ برداشت نٿو ڪري سگهي، خيبرپختونخواهه ۾ دهشتگردن کي ٻيهر ترسايو ويو.
لاهور ۾ يوٿ ڪانفرنس ۾ سوالن ۽ جوابن جي سيٽ تي وفاقي وزير چيو ته هن ملڪ ۾ دهشتگردي جو ناسور هن وقت به موجود آهي. دهشتگرد گوريلا وار ڪنهن اخلاقيات جي پابندي نٿو ڪري، جڏهن دهشتگردي جي ڪا اخلاقي حد نه هجي ته پوءِ اي پي ايس جهڙو سانحو ٿيندو آهي، دهشتگرد بلوچستان ۾ به دهشتگردي ڪري رهيا آهن.
عطاءُالله تارڙ چيو ته اي پي ايس ۾ ڪنهن کي شڪ ناهي ته انهن جي دهشتگردن ۽ سهولتڪارن کي ڪيفر ڪردار تائين پهچائي ڇڏيو آهي. اسان کي هاڻ گڊ طالبان ۽ بيڊ طالبان جو چيلينج آهي، دهشتگردن جو ڪوبه دوست ناهي هوندو. انهن جو ته ڪوبه مذهب به ناهي هوندو. انهن جي خيبرپختونخواهه ۾ ٻيهر رهائش ڪرائي وئي.
هن چيو ته لاهور، ڪراچي جهڙن شهرن ۾ ڌماڪا بند ٿيا، 2013-17 ۾ دهشتگردي کي(ن) ليگ ختم ڪرايو، دهشتگردي وري واپس ڪيئن آئي؟ ڏکڻ ڪي پي ڪي سان گڏ پنجاب ۾ دهشتگردن جي واپسي ٿي، دهشتگرد ڪنهن جا به دوست نه آهن اهي صرف ڦرون ڌاڙا هڻندڙ آهن. ٽي ٽي پي ته پاڪستان ۾ امن جي خلاف آهي.
عطاءُالله تارڙ چيو ته اي پي ايس حملي تي نظريو ٺاهيو ويو. ٽي ٽي پي پاڪستان ۾ دهشتگردي جون ڪارروايون ڪيون ۽ ملڪ ۾ بدامني پکيڙي، زندگي الله جي هٿ ۾ آهي، دهشتگرد خراب ماڻهو آهن هاڻ انهن کي جڙ کان ختم ڪنداسين، دهشتگردن ته ننڍن ٻارن کي به شهيد ڪيو ته اهي ڪنهن به رعايت جا مستحق نه آهن.
هن چيو ته جمهوريت ۾ مون کي ۽ منهنجي اڳواڻ کي گهٽ وڌ ڳالهائي ڇڏيو پر عوامي منصوبن کي غلط نه چئو. دنيا ۾ ڪنهن به جڳهه تي بنا فيس وصول ڪرڻ کان سواءِ ليپ ٽاپ نٿا ڏنا وڃن، پاڪستان ۾ پهريون ڀيرو نوجوانن کي ميرٽ تي ليپ ٽاپ ڏنا ويا.
وفاقي وزير چيو ته مستقبل جي چيلنجز کي آڏو رکندي وزن جي جوڙجڪ قيادت جي ذميواري هوندي آهي. جڏهن 90 جي ڏهاڪي ۾ لاهور، اسلام آٻاد موٽر وي ٺهيا ته انهن جي سخت مخالفت ڪئي وئي پر پاڪستان ۾ موٽر وي جي بنياد انفرا اسٽرڪچر جي ترقي طرف اهم اڳڀرائي هئي. اڄ انهي موٽروي جي ذريعي ماڻهو آساني سان سفري سهوليتن مان فائدو حاصل ڪري رهيا آهن. موٽر وي جي تعمير وقت گهڻو گوڙ ڪيو ويو ۽ ليپ ٽاپ ورهائڻ وقت ته انهي پروگرام جي به مخالفت ڪئي وئي هئي.
