اسلام آباد: اربع: 26 فيبروري 2025ع) وزيراعظم شهباز شريف ازبڪستان جي صدر شوڪت مرزيايوف سان ملاقات جي لاءِ ڪانگريس سينٽر تاشقند پهتو. جتي وزيراعظم کي گارڊ آف آنر پيش ڪيو ويو.
ڪانگريس سينٽر پهچڻ تي وزيراعظم ۽ ازبڪ صدر ڳالهين ۾ مصروف رهيا، انهي موقعي تي ٻنهي ملڪن جا قومي ترانا به وڄايا ويا.
ازبڪ صدر وزيراعظم کي پنهنجي ڪابينه جي ميمبرن سان تعارف ڪرايو، انهي کان پوءِ وزيراعظم پاڪستان پنهنجي ڪابينه جي ميمبرن جو به تعارف ڪرايو.
وزيراعظم ۽ ازبڪستان جي صدر پاڪستان ۽ ازبڪستان وچ ۾ مختلف شعبن ۾ تعاون جي مفاهمتي يادداشتن ۽ معاهدن تي صحيحن جي تقريب ۾ شرڪت ڪندو ۽ گڏيل پريس ڪانفرنس ۾ خطاب ڪندو. ٻنهي اڳواڻن وچ ۾ ٻطرفي ملاقات ۽ وفدن جي سطح تي ملاقاتون ٿينديون.
انهي کان پوءِ وزيراعظم ۽ ازبڪ صدر پاڪستان ۽ ازبڪستان گڏيل بزنس فورم ۾ شرڪت ڪندو جتي اهم ڳالهيون به ڪيون وينديون. وزيراعظم تاشقند ۾ قائم ٽيڪنو پارڪ جو دورو به ڪندو جتي وزيراعظم کي ازبڪستان جي مقامي طور تي تيار ڪيل شين جي صنعتي يونٽس جو پڻ دورو ڪرايو ويندو.
