اسلام آباد: متحده عرب امارات سميت 6 مختلف ملڪن مان وڌيڪ 67 پاڪستانين کي ڊي پورٽ ڪيو ويو، جڏهن ته پاڪستان پهتل 5 ڄڻن کي گرفتار ڪيو ويو آهي.
اميگريشن ذريعن موجب موريطانيه، ملائيشيا، متحده عرب امارات سميت 6 مختلف ملڪن مان وڌيڪ 67 پاڪستانين کي ڊي پورٽ ڪيو ويو. ملائيشيا مان هڪ، عمان مان 2 ۽ قطر مان هڪ پاڪستاني کي ڊي پورٽ ڪري ڪراچي اماڻيو ويو.
سعودي عرب ۾ سزا پوري ڪندڙ 9 ڄڻن سميت 15 پاڪستانين کي ڊي پورٽ ڪيو ويو. جڏهن ته متحده عرب امارات مان بليڪ لسٽ، منشيات اسمگلنگ ۽ سزا يافته سميت 45 پاڪستانين کي ڊي پورٽ ڪيو ويو آهي.
ڊي پورٽ ٿيندڙن ۾ موريطانيه مان ٻيڙي ذريعي يورپ ڏانهن ويندڙ 2 نوجواب به شامل آهن. اميگريشن جي ذريعن موجب بي دخل ڪيل 5 مسافرن کي ڪراچي ۾ انساني اسمگلنگ جي روڪٿام واري اداري جي حوالي ڪيو ويو آهي.
گذريل ڏينهن به مختلف ملڪن مان 106 پاڪستانين کي ڊي پورٽ ڪيو ويو هو. پاڪستان ڊي پورٽ ٿيل ماڻهن کي آڻيندڙ خصوصي جهاز کي اسلام آباد ايئرپورٽ تي لينڊنگ جي اجازت ڏني هئي.
غيرقانوني طور تي رهندڙ ماڻهن کي جرمني، مالٽا، سائپرس ۽ آسٽريليا مان ڊي پورٽ ڪيو ويو هو. غيرقانوني طور تي رهندڙ ماڻهن جي لاءِ پاڪستاني سفارتي مشنز ايمرجنسي دستاويز جاري ڪيا. دستاويز موجب خصوصي جهاز جرمني کان سائپرس ۽ پوءِ اسلام آباد پهتو هو. جڏهن ته جهاز ۾ يورپي يونين جو وفد به نيڪالي ڏنلن سان گڏ پاڪستان پهتو.
