نيو ميڪسيڪو: هالي ووڊ جي اداڪار جين هيڪمين ۽ سندس زال بيٽسي اراڪوا جا لاش سندن گهر مان هٿ آيا آهن.
آمريڪي رياست نيو ميڪسيڪو جي سانتا في ڪائونٽي پوليس اداڪار ۽ سندس زال جي موت جي تصديق ڪئي آهي.
جين هيڪمين ڇهن ڏهاڪن تي مشتمل ڪيريئر دوران ٻن اڪيڊمي اوارڊن (آسڪر اوارڊ) پنهنجي نالي ڪيا.
هينئر تائين جوڙي جي موت جو ڪارڻ معلوم نه ٿي سگهيو آهي، جڏهن ته پوليس طرفان کين قتل ڪرڻ وارو تاثر رد ڪيو ويو آهي.
پوليس موجب، 26 فيبروري تي ڏينهن جو هڪ لڳي 45 منٽن تي 95 ورهين جي جين هيڪمين، سندس زال ۽ هڪ ڪتي جا لاش هٿ آيا، پوليس واقعي جي جاچ شروع ڪري ڇڏي آهي.
